إزاي تحل كل مشاكلك في عشر دقايق

حياتي زهرة شبابي زي م بيقولوا ناجحه في دراستي ، كاريري ، علاقاتي ،

صحتي كويسه ، أهلي بخير ، معنديش أي سبب يخليني أوصل لمرحله

نفسيه متدنيه بالشكل دا ؛ ولما بدأت أدور علي سبب الخنقه والإرهاق دا

لقيتهم مجرد شذور لحاجات كلها مش بإيدي ، او بمعني تاني قوانين حياه

وواقع برضايا أو غصب عني لازم اعيشه ، من أمثلة أنا خايفه م المستقبل ؛

خايفه م اقدرش احقق كل حاجه رسمتها في خيالي الواسع ، خايفه افقد

اهلي ودا لوحده سبب كافي يدخلني في دوامة رعب ملهاش اول من

آخر ، خايفه الدنيا تبعدني عن اهلي في يوم او اصحابي او حد عزيز

عليا .. خايفه .. خايفه .. خايفه ...

كل دي أمور يمكن جزء منها حصل وخوفي من تكرار التجربه المرجح

حدوثها، أو لسه محصلش بس مؤكد انه هيحصل ..

طب والحل ؟!

= الحل في آيتين في القرآن

الآيه الأولي بتقول " ومن أعرض عن ذكري فإن له معيشة ضنكا "

الفتره اللي فاتت أنا حطيت خطه لتطوير حاجات كتير في حياتي

وطبقتها في الجانب الثقافي وفي الجانب الاجتماعي وفي الجانب

الأسري وعلي المستوي الشخصي .. حطيت خطه عشان اصلح علاقاتي

بناس كتير بس محطتش خطه عشان أصلح من علاقتي بربنا مع إن

دي أكتر علاقه بالنسبالي فيها تقصير من ناحيتي ومع إني علي يقين

تام إن محدش في الكون ممكن يكون أقرب ليا من ربنا وان كل حاجه

بتحصل فيا أو ليا أو معايا أو مني محدش في الكون هيقدر يعلمها ،

يحلها ، ينجيني منها ، يقدرني اعملها .. غير ربنا سبحانه وتعاله ..

ومع ذلك كنت مقصره جدا ..

الآيه التانيه بتقول " وقال ربكم إدعوني أستجب لكم "

قوم إتوضي وصلي ركعتين بتأني وهدوء بنية إنك تبدأ حياه جديده

سعيده عامره بذكر الله مش هتاخد منك عشر دقايق وبعدها حط

خطه عشان تحسن وتطور علاقتك بربنا وبعدها هتتحسن حياتك

كلها وآخرتك كمان.. وادعي !

إدعي ربنا يهديك

إدعي ربنا يثبتك ع الهدايه

إدعي ربنا يغفرلك كل اللي فات ويعفو عنك

إدعي ربنا يحفظلك أهلك

إدعي ربنا يوفقك تحقق اللي انت عايزه

إدعي عشان ربنا " بس " اللي يقدر ...

إدعي والتمس ساعات الإجابه زي

= الثلث الأخير من الليل

بدليل قول رسول الله ( صلي الله عليه وسلم) : " ينزل ربنا إلى سماء

الدنيا كل ليلة حين يبقى ثلث الليل الآخر فيقول: من يدعوني فأستجيب

له؟ من يسألني فأعطيه؟ من يستغفرني فأغفر له؟ حتى ينفجر الفجر."

= مابين الأذان والإقامة

بدليل قول رسول الله ( صلي الله عليه وسلم ): " الدعاء لا يرد بين

الأذان والإقامة "

= السجود

بدليل قول رسول الله ( صلي الله عليه وسلم): " أقرب ما يكون العبد

من ربه وهو ساجد، فأكثروا الدعاء "

وأخيرا ؛ عش لله فما طابت الحياه الا بقربه 💙💙

شير ومنشن لغيرك ومتنساش تقولنا رايك في المقال.