ابدأها صح. #جورنال_الأزهر.
بقلم/ Alshaimaa Essam.
إبدأها صح 💙💪
بعد مرور فتره لا بأس بها من بداية الدراسة ؛ بدأنا نسمع الشريط المعتاد من الطلبه في نفس الفتره من كل سنه
أنا فاتني حاجات كتير ومش قادر ألم المنهج !
أنا عندي مذاكره كتير مش ممكن أقدر أذاكرها !
أنا عندي ضغط يومي بروح الكليه وبرجع مرهق معنديش قدره علي الاستيعاب !
أنا مهما ذاكرت بنسي ومش بفتكر اللي ذاكرته !
عشان نحل كل المشاكل دي عايزين نفهم مع بعض بالراحه الطريقه الصحيحه للمذاكره 💙
رقم (1) قبل م تبدأ مذاكره خالص اعمل أي نشاط رياضي أو ذهني يعني ممكن مثلا تتمشي أو تعمل عصف ذهني عشان تنشط خلايا العقل بحيث انك تبدأ مذاكره والعقل نشط مش لسه محتاج تنشيط
(2) أخلق بيئة مذاكره مناسبه يعني لازم المكان اللي هتذاكر فيه يكون مكان مرتب منظم نضيف فيه كل الأدوات اللي انت محتاج تستعملها أثناء المذاكرة ودا لان الجو العام بيأثر علي الحاله النفسيه بشكل عام و عدم وجود الحاجات اللي انت محتاجها مع عدم النظام بيضطرك تقطع المذاكره كل شويا بتفصلك ذهنيا فبتاخد وقت اطول بكتير من الوقت المفروض للمذاكره .
(3) إبعد عن المشتتات
إبعد عن المشتتات
وتالت مره إبعد عن المشتتات
متروحش تذاكر جنب التلفزيون وتلاقي نفسك مخلصتش سطرين وانت خلصت سماع 3 افلام
متفتحش داتا سوشيال ميديا وكل دقيقه بالضبط يجيلك مسج او اشعار وبعدين تستغرب لما تلاقي نفسك ذاكرت صفحه في 5 ساعات
(4) وانت بتذاكر إستخدم البطاقات أو بشكل علمي طريقة الخريطه الذهنيه
يعني وانت بتذاكر جمع العناصر الأساسية واكتبها
في بطاقات واربطها ببعضها اعرف اي علاقة كل عنصر بالتاني وليه العنصر دا موجود في الترتيب دا بالتحديد وبعد كدا امسك كل عنصر وافهم اللي تحته كويس
حد شاطر هيقولي انا مذاكرتي اغلبها انشائي او عندي فصول طويله مفيهاش عناصر !
يبقى الخطوه اللي قبل دي اعمل عناصر من دماغك لكل جزء .. ليه بقا ؟!
لأن فيه استراتيجية من استراتيجيات العقل الباطن اسمها التجزئه لو عندك هدف كبير عايز تنجزه صعب تنجزه زي م هو كده فتبدأ تجزئه لاجزاء أصغر تقدر تنجز كل جزء منها بسهوله ويسر والكلام دا ينطبق علي المذاكره
(5) حول الخريطه الذهنيه عندك لشفرات
يعني ايه الكلام دا !!
العناصر اللي انت عملتها ؛ فاكرها؟! خد الحرف الاول من كل عنصر وجمع من الحروف دي اي كلمه باي معني وخليك فاكر الكلمه دي .. انت كدا عملت ايه ؟!
انت كدا طبقت قانون من قوانين العقل الباطن اسمه قانون الربط انت بمجرد م تفتكر الكلمه هتفتكر كل العناصر ليه لانك ربطت بين الكلمه والعناصر بالضبط زي م بتشوف ان شخص مش بياكل مثلا اكله معينه غير في مكان معين او مع شخص معين ..
(6) ذاكر بالشرح
يعني الدرس اللي عايزه يتحفر في دماغك ومتنساهوش وتفهمه كويس اشرحه لصاحبك طب ليه الطريقه دي فعاله ؟!
لانك استخدمت فيها كل حواسك في وقت واحد استخدمت السمع والاستيعاب عن طريقه بيكون 7 في المايه بس واستخدمت النظر والاستيعاب عن طريقه بيكون 35 في المايه واستخدمت العنصر الاهم هو عنصر المشاركه ودا نسبة الاستيعاب فيه بتكون 95 ومع كل دا كان عندك حس المسؤليه لانك انت اللي كنت بتشرح فانت كنت مسؤل تفهم صاحبك مش بس تفهم نفسك ..
(7) إستخدم الأغاني والرسم والتلوين في المذاكره
ليه ؟! لان الأعصاب اللي بتربط العين والمخ أقوي بمراحل كتير جدا من الأعصاب السمعيه المخيه فبتكون قوة التذكر اقوي
(8) ذاكر بالتكرار
ردد المعلومات المهمه وكررها اكتر من مره
لان دا بيدي للعقل اللاواعي مساحه انه يركز علي المعلومه دي فبيخزنها في الذاكره الدائمه الخاصه بيه
(9) خد راحه
ذاكر 50 دقيقه وافصل عشر دقايق
ليه ؟! عشان العقل بعد ساعه بيبدأ تركيزه يقل ويدخل في خمول فلما تاخد راحه العقل يقدر يستعيد نشاطه ويجدد طاقته فيبدأ يستوعب فتره جديده بنشاط
(10) ذاكر في أماكن مختلفه
وليكن حدد لكل ماده مكان مختلف تذاكرها فيه
ليه ؟!
لأن العقل زي ذاكرة الكمبيوتر بالضبط مكان بيتخزن فيه المعلومات بتخرج وقت م تحتاجها
فلما تيجي في امتحان مثلا وانت محتاج تفتكر معلومه معينه وانت كنت مذاكر كل حاجه في نفس المكان هتفتكر بصعوبه لان العقل بيبحث عن المعلومه دي في كل اللي انت ذاكرته لكن انت لو رابط الفصل دا بمكان معين فالعقل هيبحث بسهوله لانه هيبحث في فصل واحد مربوط بمكان معين فهيلاقي المعلومه بسهوله وبسرعه
(11) نوع من المواد اللي بتذاكرها في نفس اليوم عشان تقضي علي الملل ودا هينجز معاك جدا بس دا مش معناه خالص انك تذاكر عشر مواد في نفس اليوم لان دا هيعملك تشتت وهتطلع من غير حاجه المعدل الكويس 3 او 4 مواد في نفس اليوم
(12) متحطش في بالك التقصير اللي انت قصرته قبل كدا لان دا هيسببلك احباط اضافه لانك هتفقد الشغف المطلوب لانجاز اي حاجه
طيب دا ليه ؟!
لانك لو مثلا كنت هتذاكر ساعه كل يوم طول الاسبوع فيكون الوقت المفروض 7 ساعات انت ال 7 ساعات دول ممكن تذاكرهم النهارده بالطريقه الصحيحه بدون إجهاد أو ملل
(13) ملحوظه مهمه قبل م تذاكر اي حاجه اقراها الأول قبل م تبدأ مذاكره لان دا هيكون عندك صوره ذهنيه عامه هتسهل عليك كتير في المذاكرة بعد م تخلص مذاكره اقرا اللي ذاكرته بشكل سريع ودا هيسهل عليك في التذكر
(14) ملحوظه أهم
مفيش حاجه اسمها ( أنا بنسي ) انت عارف حجم ذاكرة الانسان كام تعالي نحسبها
العقل بيتكون من 150 مليار خليه ، كل خليه بتتكون من مليون خليه أصغر اسمها سنابزس ، كل سنابزس بقا فيه مليوون خلية ذاكره .. انت متخيل !
يعني لما نيجي نحسب ذاكرة الانسان مفروض نضرب
150 مليار × مليون × مليون = !!!
حد يعرف ناتج الرقم دا !
أنا شخصيا مش عارفه
بس المهم أن مفيش حاجه اسمها انا بنسي في حاجه اسمها أنا مش مركز
والتركيز دا حاجه بنتعلمها زيها زي اي حاجه تانيه دايما كلنا بنسمع كلمة ( ركز .. ركز .. ركز وانت بتذاكر ..ركز وانت بتاكل ... ركز وانت ماشي في الشارع )
بس عمرك حد قالك تعالي أنا اعلمك ازاي تركز !!
بما انك بتقرأ مقال عن كيفية المذاكره صح فاكيد محدش علمك ازاي تركز
بغض النظر عن أيدلوجية التركيز العام اللي هنتكلم عنه ان شاء الله في مقال تاني لكن انت ممكن تنجح في المذاكره بطريقة صحيحة وسريعه وفعاله جدا لو راعيت النقاط دي ..
الشيماء عصام
محاضر تنميه ذاتيه وباحثه في الماجستير المهني للصحه النفسيه والإرشاد الأسري
دمتم بود ♥
بقلم/ Alshaimaa Essam.
إبدأها صح 💙💪
بعد مرور فتره لا بأس بها من بداية الدراسة ؛ بدأنا نسمع الشريط المعتاد من الطلبه في نفس الفتره من كل سنه
أنا فاتني حاجات كتير ومش قادر ألم المنهج !
أنا عندي مذاكره كتير مش ممكن أقدر أذاكرها !
أنا عندي ضغط يومي بروح الكليه وبرجع مرهق معنديش قدره علي الاستيعاب !
أنا مهما ذاكرت بنسي ومش بفتكر اللي ذاكرته !
عشان نحل كل المشاكل دي عايزين نفهم مع بعض بالراحه الطريقه الصحيحه للمذاكره 💙
رقم (1) قبل م تبدأ مذاكره خالص اعمل أي نشاط رياضي أو ذهني يعني ممكن مثلا تتمشي أو تعمل عصف ذهني عشان تنشط خلايا العقل بحيث انك تبدأ مذاكره والعقل نشط مش لسه محتاج تنشيط
(2) أخلق بيئة مذاكره مناسبه يعني لازم المكان اللي هتذاكر فيه يكون مكان مرتب منظم نضيف فيه كل الأدوات اللي انت محتاج تستعملها أثناء المذاكرة ودا لان الجو العام بيأثر علي الحاله النفسيه بشكل عام و عدم وجود الحاجات اللي انت محتاجها مع عدم النظام بيضطرك تقطع المذاكره كل شويا بتفصلك ذهنيا فبتاخد وقت اطول بكتير من الوقت المفروض للمذاكره .
(3) إبعد عن المشتتات
إبعد عن المشتتات
وتالت مره إبعد عن المشتتات
متروحش تذاكر جنب التلفزيون وتلاقي نفسك مخلصتش سطرين وانت خلصت سماع 3 افلام
متفتحش داتا سوشيال ميديا وكل دقيقه بالضبط يجيلك مسج او اشعار وبعدين تستغرب لما تلاقي نفسك ذاكرت صفحه في 5 ساعات
(4) وانت بتذاكر إستخدم البطاقات أو بشكل علمي طريقة الخريطه الذهنيه
يعني وانت بتذاكر جمع العناصر الأساسية واكتبها
في بطاقات واربطها ببعضها اعرف اي علاقة كل عنصر بالتاني وليه العنصر دا موجود في الترتيب دا بالتحديد وبعد كدا امسك كل عنصر وافهم اللي تحته كويس
حد شاطر هيقولي انا مذاكرتي اغلبها انشائي او عندي فصول طويله مفيهاش عناصر !
يبقى الخطوه اللي قبل دي اعمل عناصر من دماغك لكل جزء .. ليه بقا ؟!
لأن فيه استراتيجية من استراتيجيات العقل الباطن اسمها التجزئه لو عندك هدف كبير عايز تنجزه صعب تنجزه زي م هو كده فتبدأ تجزئه لاجزاء أصغر تقدر تنجز كل جزء منها بسهوله ويسر والكلام دا ينطبق علي المذاكره
(5) حول الخريطه الذهنيه عندك لشفرات
يعني ايه الكلام دا !!
العناصر اللي انت عملتها ؛ فاكرها؟! خد الحرف الاول من كل عنصر وجمع من الحروف دي اي كلمه باي معني وخليك فاكر الكلمه دي .. انت كدا عملت ايه ؟!
انت كدا طبقت قانون من قوانين العقل الباطن اسمه قانون الربط انت بمجرد م تفتكر الكلمه هتفتكر كل العناصر ليه لانك ربطت بين الكلمه والعناصر بالضبط زي م بتشوف ان شخص مش بياكل مثلا اكله معينه غير في مكان معين او مع شخص معين ..
(6) ذاكر بالشرح
يعني الدرس اللي عايزه يتحفر في دماغك ومتنساهوش وتفهمه كويس اشرحه لصاحبك طب ليه الطريقه دي فعاله ؟!
لانك استخدمت فيها كل حواسك في وقت واحد استخدمت السمع والاستيعاب عن طريقه بيكون 7 في المايه بس واستخدمت النظر والاستيعاب عن طريقه بيكون 35 في المايه واستخدمت العنصر الاهم هو عنصر المشاركه ودا نسبة الاستيعاب فيه بتكون 95 ومع كل دا كان عندك حس المسؤليه لانك انت اللي كنت بتشرح فانت كنت مسؤل تفهم صاحبك مش بس تفهم نفسك ..
(7) إستخدم الأغاني والرسم والتلوين في المذاكره
ليه ؟! لان الأعصاب اللي بتربط العين والمخ أقوي بمراحل كتير جدا من الأعصاب السمعيه المخيه فبتكون قوة التذكر اقوي
(8) ذاكر بالتكرار
ردد المعلومات المهمه وكررها اكتر من مره
لان دا بيدي للعقل اللاواعي مساحه انه يركز علي المعلومه دي فبيخزنها في الذاكره الدائمه الخاصه بيه
(9) خد راحه
ذاكر 50 دقيقه وافصل عشر دقايق
ليه ؟! عشان العقل بعد ساعه بيبدأ تركيزه يقل ويدخل في خمول فلما تاخد راحه العقل يقدر يستعيد نشاطه ويجدد طاقته فيبدأ يستوعب فتره جديده بنشاط
(10) ذاكر في أماكن مختلفه
وليكن حدد لكل ماده مكان مختلف تذاكرها فيه
ليه ؟!
لأن العقل زي ذاكرة الكمبيوتر بالضبط مكان بيتخزن فيه المعلومات بتخرج وقت م تحتاجها
فلما تيجي في امتحان مثلا وانت محتاج تفتكر معلومه معينه وانت كنت مذاكر كل حاجه في نفس المكان هتفتكر بصعوبه لان العقل بيبحث عن المعلومه دي في كل اللي انت ذاكرته لكن انت لو رابط الفصل دا بمكان معين فالعقل هيبحث بسهوله لانه هيبحث في فصل واحد مربوط بمكان معين فهيلاقي المعلومه بسهوله وبسرعه
(11) نوع من المواد اللي بتذاكرها في نفس اليوم عشان تقضي علي الملل ودا هينجز معاك جدا بس دا مش معناه خالص انك تذاكر عشر مواد في نفس اليوم لان دا هيعملك تشتت وهتطلع من غير حاجه المعدل الكويس 3 او 4 مواد في نفس اليوم
(12) متحطش في بالك التقصير اللي انت قصرته قبل كدا لان دا هيسببلك احباط اضافه لانك هتفقد الشغف المطلوب لانجاز اي حاجه
طيب دا ليه ؟!
لانك لو مثلا كنت هتذاكر ساعه كل يوم طول الاسبوع فيكون الوقت المفروض 7 ساعات انت ال 7 ساعات دول ممكن تذاكرهم النهارده بالطريقه الصحيحه بدون إجهاد أو ملل
(13) ملحوظه مهمه قبل م تذاكر اي حاجه اقراها الأول قبل م تبدأ مذاكره لان دا هيكون عندك صوره ذهنيه عامه هتسهل عليك كتير في المذاكرة بعد م تخلص مذاكره اقرا اللي ذاكرته بشكل سريع ودا هيسهل عليك في التذكر
(14) ملحوظه أهم
مفيش حاجه اسمها ( أنا بنسي ) انت عارف حجم ذاكرة الانسان كام تعالي نحسبها
العقل بيتكون من 150 مليار خليه ، كل خليه بتتكون من مليون خليه أصغر اسمها سنابزس ، كل سنابزس بقا فيه مليوون خلية ذاكره .. انت متخيل !
يعني لما نيجي نحسب ذاكرة الانسان مفروض نضرب
150 مليار × مليون × مليون = !!!
حد يعرف ناتج الرقم دا !
أنا شخصيا مش عارفه
بس المهم أن مفيش حاجه اسمها انا بنسي في حاجه اسمها أنا مش مركز
والتركيز دا حاجه بنتعلمها زيها زي اي حاجه تانيه دايما كلنا بنسمع كلمة ( ركز .. ركز .. ركز وانت بتذاكر ..ركز وانت بتاكل ... ركز وانت ماشي في الشارع )
بس عمرك حد قالك تعالي أنا اعلمك ازاي تركز !!
بما انك بتقرأ مقال عن كيفية المذاكره صح فاكيد محدش علمك ازاي تركز
بغض النظر عن أيدلوجية التركيز العام اللي هنتكلم عنه ان شاء الله في مقال تاني لكن انت ممكن تنجح في المذاكره بطريقة صحيحة وسريعه وفعاله جدا لو راعيت النقاط دي ..
الشيماء عصام
محاضر تنميه ذاتيه وباحثه في الماجستير المهني للصحه النفسيه والإرشاد الأسري
دمتم بود ♥
تعليقات: 0
إرسال تعليق